La bandîra ed Bulåggna
Zirudèla, se la stôria
la fôss giosta, un tant ed gloria
l’aré avò da riservèr
a ql’antigh giudiziàus bchêr
che par prém al pensé ban
ed dedichères con passiàn
dap avàir mazzé un purzèll,
a inventèr él murtadèll.
L’è un cumpôst acsé indviné
Fâtt ed chèren ban tridè,
pistè ban con tant udûr
in môd ch’is lìghen tant savûr,
ch’a psàn dîr che ch’l’inftidàur
al s’ha dè un chèplavàur.
Pensè ch’bâsta sàul ‘na ftléina
a fèr vgnîr un’acquoléina…
L’è dvintè parféin ‘n’insâggna,
tant ch’la ciâmen: “la Bulåggna”
sta bandîra in tòtt al mand,
e l’è ‘na gloria che l’han pand.
A fèr in môd ch’l’an cala brîsa
sàura a tòtt ai’è “l’Alcîsa”,
ch’l’è’na fàbrica grandiàusa
là dal pèrt d’Zòla Predàusa
(quall l’è ban al santuari
ed tòtt quant i bongustèr!)
ch’la furnéss totti él zitè
ed sta gran gulusitè;
e stè sicûr ch’a gni fò inciôn
tra i zivîl o i… bastardôn,
fôss’n adûlt o in cuzidrèla,
fôss’n in tùba o in caparèla
ch’gni piaséss la murtadèla,
tocch-e-dai la zirudèla!
La bandiera di Bologna
Zirudella, se la storia
fosse giusta, un poco di gloria
avrebbe dovuto riservarla
a quell’antico giudizioso macellaio
che per primo pensò bene
di dedicarsi con passione
dopo avere ammazzato un maiale,
ad inventare le mortadelle.
E’ un composto così indovinato
Fatto di carne ben tritata,
pestata bene con tanti odori
in modo che si leghino tanti sapori,
che possiamo dire che quell’investitore
ci ha dato un capolavoro.
Pensate che basta solo una fettina
A far venire un’acquolina…
E’ diventata perfino un’insegna,
tanto che la chiamano: “la Bologna”
questa bandiera in tutto il mondo,
ed è una gloria che non pende.
A fare in modo che non cali
Sopra a tutti c’è “l’Alcisa”,
che è una fabbrica grandiosa
là dalle parti di Zola Predosa
(quello è bene il santuario
di tutti quanti i buongustai!)
che fornisce tutte le città
di questa gran golosità;
e state sicuri che non ci fu nessuno
tra i civili o i… bastardi,
fossero adulti o in culla,
fossero in tuba o in capparella
a cui non piacesse la mortadella,
tocch-e-dai la zirudella!
